ນັກເທຣດ Forex ຈຳເປັນຕ້ອງຮູ້ແມ່ນຫຍັງແດ່ກ່ຽວອັດຕາດອກເບຍ?

ມີຄໍາຈຳກັດຄວາມຢ່າງຫຼວງຫຼາຍໃນ Internet ວ່າ: ອັດຕາດອເບຍແມ່ນຫຍັງ? (ຫຼືເອີ້ນອີກຢ່າງວ່າ Deposit Rate, Base Rate, Cash Rate, Policy Rate) ມັນສົ່ງຜົນສະທ້ອນຕໍ່ເສດຖະກິດແນວໃດ ແລະ ເປັນຫຍັງຈິ່ງເປັນໂຕປ່ຽນສຳຄັນທີ່ຕໍ່ສູ້ກັບເງີນເຟີເປັນຕົ້ນ ແຕ່ທັງໝົດນີ້ເປັນທິດສະດີ ແລະ ຢ່າງທີ່ ທ່ານ ຮັບຮູ້ວ່າ ນັກເທຣດ ຈຳເປັນຕ້ອງນຳຄວາມຮູ້ນີ້ ໄປໃຊ້ໃນທາງທິດສະດີ.

ກ່ອນອື່ນນັກເທຣດ ຄວນຮູ້ວ່າອັດຕາດອກເບຍ ເປັນໂຕປ່ຽນສຳຄັນທີ່ສຸດ ເຊິ່ງຜົນຕໍ່ຕະຫຼາດແລກປ່ຽນເງີນຕາຕ່າງປະເທດ ໂດຍສະເພາະຢ່າງຍິ່ງ ອັດຕາແລກປ່ຽນຂອງນຶ່ງປະເທດ, ການແຊກແຊງສະກຸນເງີນກໍ່ມີຄວາມສຳຄັນເຊັ່ນດຽວກັນ ແຕ່ທະນາຄານກາງມັກຈະບໍ່ຄ່ອຍໃຊ້ນະໂຍບາຍໃນການແຊກແຊງ.

ພື້ນຖານນັກເທຣດ Forex ຄວນປະຕິບັດຕາມກ່ຽວກັບອັດຕາດອກເບຍແມ່ນມີດັ່ງນີ້:

ທະນາຄານກາງປະກາດປັບຂື້ນອັດຕາດອກເບຍ ຈະເຮັດໃຫ້ອັດຕາແລກປ່ຽນຂອງປະເທດສູງຂື້ນ ອັດຕາຜົນຕອບແທນຂອງພັນທະບັດລັດທະບານຈະສູງຂື້ນ ແລະ ດັດສະນີຫຸ້ນມັນຈະຕົກຕໍ່າລົງ ການເພີ່ມຂື້ນຂອງອັດຕາດອກເບຍ ໝາຍເຖິງການຫັດກຸມນະໂຍບບາຍທາງດ້ານການເງີນ Quantitative Tightening (QT).

ໃນທາງກັບກັນ ຫາກທະນາຄານກາງປະກາດປັບຫຼຸດອັດຕາດອກເບຍ ໂດຍທົ່ວໄປແລ້ວຈະເຮັດໃຫ້ອັດຕາແລກ ຂອງປະເທດຫຼຸດລົງ ອັດຕາຜົນຕອບແທນພັນທະບັດລັດທະບານຫຼຸດລົງ ແລະ ດັດນີຫຸ້ນປັບຕົວສູງຂື້ນ ການປັບອັດຕາດອກເບຍ ໝາຍເຖິງການໂຍຍານນະໂຍບາຍການເງີນ  Quantitative easing (QE).

ດັ່ງນັ້ນ, ຫາກທະນາຄານກາງຂອງປະເທດນຶ່ງປະກາດ ການຫັດກຸມທາງດ້ານນະໂຍບາຍທາງດ້ານການເງີນ ໂດຍຂື້ນອັດຕາດອກເບຍໃນຂະນະທີ່ທະນາຄານກາງຂອງປະເທດອື່ນປະກາດອັດຕາດອກເບຍຫຼຸດລົງ ຫຼືຮັກສາອັດຕາດອກເບຍໃນລະດັບຕໍ່າ ໃຫ້ເທົ່າກັບສູນ ຫຼື ຕິດລົບກໍ່ຈະເຮັດໃຫ້ແນວໂນ້ມໃນ ຄູ່ສະກຸນເງີນຂອງປະເທດເຫຼົ່ານີ້ເຂົ້າສູ່ ໄລຍະກາງ ຫຼື້ ໄລຍະຍາວ.

ເຮົາມາລອງເບິ່ງຕົວຢ່າງທີ່ສາມາດເບິ່ງໄດ້ຊັດເຈນ ໃນຂະນະນີ້ ທາງທະນາຄານກາງສະຫາລັດອາເມລິກາ Federal Reserve (System) (FED) ກຳລັງເຮັດການຫັດກຸມນະໂຍບາຍການເງີນໂດຍປັບຂື້ນອັດຕາດອກເບຍ (ປະເທດແຄນນາດາ ແລະ ປະເທດອັອດສະເຕເຣຍ ເຂົ້າຮ່ວມ ໃນລາຍຊື່ປະເທດທີ່ໄດ້ເລີ່ມຫັດກຸມນະໂຍບາຍຍເຊັ່ນດຽວກັນ) ໃນຂະນະດຽວກັນ ປະເທດຍີປຸ່ນ ແລະ ປະເທດຈີນ ກຳລັງຢູ່ໃນແນວໂນ້ມຜ່ອນຜັນນະໂຍບາຍການເງີນ ສົ່ງຜົນໃຫ້ຄູ່ສະກຸນເງີນ USD/JPY ແລະ USD/CNY ມີແນວໂນ້ມສູງຂື້ນຢ່າງຈະແຈ້ງ ເມື່ອດັດສະນີເງີນດອນລາ ເພີ່ມຂື້ນ ແຕ່ເງີນເຢນຂອງປະເທດຍີປຸ່ນ ແລະ ເງີນຢວນຂອງປະເທດຈີນ ກຳລັງຫຼຸດລົງ.

ຫາກທະນາຄານກາງຂອງປະເທດຕ່າງໆ ຈະມີການໃຊ້ນະໂບຍາຍບາຍການເງີນທີ່ຄ້າຍຄືກັນ ຕາມກົດແລ້ວ ຄູ່ສະກຸນເງີນຈະສ້າງຮູບແບບຂອງລາຄາກ້ວາງໆ ໂດຍບບໍ່ມີແນວໂນ້ມທີ່ຊັດເຈນ ຕົວຢ່າງເຊັ່ນ ເມື່ອປະເທດອັດອສະເຕເຣຍ ເລີ່ມເຮັດການຫັດກຸມນະໂຍບາຍທາງການເງີນ ແນວໂນ້ມໄລຍະກາງຂອງຄູ່ສະກຸນເງີນ AUD/USD ຈະສິ້ນສຸດລລົງ ເນື່ອງຈາກ ທາງ ປະເທດອັອດສະເຕຍເຣຍ ແລະ ປະເທດສະຫາລັດອາເມລິກາ ກຳລັງຢູ່ໃນທິດທາງທີ່ກຳລັງປັບຂື້ນອັດຕາດອກເບຍຢູ່ໃນຂະນະນີ້.

 

ນັດເທຣດ Forex ຈະສາມາດເຮັດກຳໄລໄດ້ຈາກສິ່ງນີ້ໄດ້ຫຼືບໍ່?

ໄດ້ແນ່ນອນ ນັກເທຣດທີ່ເຮັດກຳໄລໃນລະຫວ່າງມື້ ສາມາດໃຊ້ຂໍ້ມູນນີ້ເພື່ອຄົ້ນຫາຈຸດເຂົ້າຕະຫຼາດ ໃນລະຫວ່າງມື້ໄດ້ (ໃນກອບເວລາທີ່ຕໍ່າກວ່າ H1) ໃນທິດທາງຂອງແນວໂນ້ມຫຼັກ ເນື່ອງຈາກແນວໂນ້ມນີ້ບໍ່ໄດ້ເກີດຈາກປັດໃຈທາງເທັກນິກ ແຕ່ເກີດຈາກປັກໃຈພື້ນຖານ ເຊິ່ງມີຄວາມສະຖຽນຫຼາຍກ່ວາ ນັກເທຣດໄລຍະກາງສາມາດເຂົ້າຕະຫຼາດ ເພື່ອເປີດຕຳແໜ່ງໄດ້ໃນໄລຍະຍາວ ແລ້ວເພີ່ມການຖອນຕໍາແໜ່ງ ໃນແນວໂນ້ມຫຼັກ

ດັ້ງນັ້ນ, ການຕິດຕາມແນວທາງນະໂຍບາຍທາງດ້ານການເງີນຂອງປະເທດຕ່າງໆ ຈິ່ງເປັນການເປີດໂອກາດທີ່ດີໃຫ້ກັບນັກເທຣດສາມາດເຮັດກຳໄລໃນຕະຫຼາດ Forex ໄດ້.

ການຊື້ຂາຍ forex ສາມາດເປັນວຽກເສີມ ຫຼື ວຽກເຕັມເວລາ, ແຕ່ບໍ່ແມ່ນທຸກຄົນທີ່ຈະສາມາດເກັ່ງໄດ້ເນື່ອງຈາກວ່າມັນຈະຕ້ອງການທັງການຝຶກຜົນ ແລະ ທັກສະພິເສດຫຼາຍຢ່າງ.

ນີ້ແມ່ນ 8 ທັກສະທີ່ສໍາຄັນທີ່ນັກລົງທຶນລາຍໃຫຍ່ທຸກຄົນໄດ້ມີການແບ່ງປັນປະສົບການດັ່ງນີ້:

1. ມີແນວຄິດການວິເຄາະທີ່ຫຼັກແຫຼມ

ຕະຫຼາດ Forex ແມ່ນກ່ຽວກັບຕົວເລກທັງໝົດ, ທ່ານຈະບໍ່ສາມາດຫລົບຫນີຈາກຕົວເລກໄປໄດ້ ໃນຖານະ ທ່ານ ເປັນນັກເທຣດ ທ່ານຈໍາເປັນຕ້ອງສາມາດອ່ານ ແລະ ວິເຄາະຂໍ້ມູນໄດ້ຢ່າງໄວວາ; 

ເຄື່ອງມືອັດຕະໂນມັດ ສາມາດຊ່ວຍປ່ຽນຕົວເລກໃຫ້ກາຍເປັນກາຟ ແລະ ແຜນວາດຕ່າງໆໄດ້, ແຕ່ເຖິງຢ່າງໃດກໍ່ຕ່າມ ທ່ານຍັງຕ້ອງການຄວາມສາມາດໃນການວິເຄາະເພື່ອໃຫ້ເຂົ້າໃຈຂໍ້ມູນເຫຼົ່ານັ້ນ ແລະ ສາມາດ ຫາຮູບແບບ ແລະ ແນວໂນ້ມຂອງຕະຫຼາດໄດ້; 

ທັກສະການວິເຄາະ ແລະ ແນວທາງດ້ານຄະນິດສາດທີ່ແຂງແກ່ງນັ້ນ ແມ່ນຈະຊ່ວຍໃຫ້ທ່ານ ວິເຄາະ ຄູ່ເງີນ ໄດ້ຢ່າງວ່ອງໄວ ແລະ ຊ່ວຍຄິດໄລ່ທັງກຳໄລ ແລະ ການຂາດທຶນ ທີ່ຈະເປັນໄປໄດ້ ເຊິ່ງຈະເຮັດໃຫ້ ທ່ານ ໄດ້ຕັດສິນໃຈວ່າ ທ່ານ ຄວນຈະເທຣດເທົ່າໃດ; 

ດັ່ງນັ້ນ, ເພື່ອຈະເຂົ້າໃຈຫຼັກການ ການເທຣດ ໃນຮູບແບບຕ່າງໆ ແລະ ການສ້າງກົນລະຍຸດທີ່ຈະສ້າງກຳໄລ ທ່ານ ຈຳເປັນຕ້ອງມີຫຼັການໃນການວິເຄາະທີ່ຫຼັກແຫຼມ.

ສະຫຼຸບໄດ້ວ່າ: ຫາກ ທ່ານ ສາມາດໄຈ້ແຍກຂໍ້ມູນຕ່າງໆ ໄດ້ຢ່າງວ່ອງໄວ ແມ່ນແຫ່ງງ່າຍ ທ່ານ ກໍ່ຍິ່ງຈະເກັງຫຼາຍຂື້ນ ໃນການແປງໂຕເລກຕ່າງໆ ໃຫ້ການເປັນຫົວໜ່ວຍເງີນ ດອນລາ. 

2. ຄວາມດຸໝັ່ນ, ການເອົາໃຈໃສ່ ໃນການເກັບກຳຂໍ້ມູນ

ເພື່ອທີຈະຝຶກຜົນ ທັກສະໃນການວິເຄາະຂອງ ທ່ານ ທ່ານຕ້ອງຈຳເປັນນໍາໃຊ້ຂໍ້ມູນຢ່າງຫຼວງຫຼາຍ, ຂໍ້ມູນເຫຼົ່ານີ້ ຄວນຈະຕ້ອງຖືກຕ້ອງ ລະອຽດທີ່ຖ້ວນ ແລະ ຖືກຈັດເກັບຢ່າງເໝາະສົມ ເຊິ່ງຈຳເປັນຕ້ອງອາໃສການບັນທຶກທີ່ລະອຽດ ແລະ ຄວາມດຸໝັ່ນຂອງຕົວ ທ່ານ ເອງ; 

ການບັນທຶກທີ່ລະອຽດຂອງກິດຈະກຳການລົງທຶນຂອງ ທ່ານ ທັງໝົດຈະຊ່ວຍໃຫ້ທ່ານເຫັນພາບລວມການເທຣດ ແລະ ຍັງຊ່ວຍໃຫ້ເຫັນພາບລວມໃນອາດີດ ທີ່ຈຳເປັນຈະຕ້ອງວິເຄາະເຖິງປະສິດທິພາບເຖິງວິທີການເທຣດຂອງ ທ່ານ; 

ຂໍ້ມູນເຫຼົ່ານີ້ຊ່ວຍໃຫ້ ທ່ານ ມີຂໍ້ມູນທີ່ລະອຽດທີ່ຈະເຮັດໃຫ້ ທ່ານ ຫາໂອການທີ່ດີໃນຕະຫຼາດການເທຣດໄດ້ ລວມເຖິງສິ່ງທີ່ ທ່ານ ຄວນເພີ່ມໃນເທັກນິກ ເພື່ອໃຊ້ໃນການເທຣດ ໃຫ້ໄດ້ຜົນກຳໄລຫຼາຍຍິ່ງຂື້ນ; 

ສະຫຼຸບໄດ້ວ່າ: ສິ່ງຕ່າງໆ ສາມາດປ່ຽນແປງໄດ້ຢ່າງສັບສົນ ແລະ ວອງໄວ ໂດຍສະເພາະໃນຕະຫຼາດ Forex ທ່ານ ຈຳເປັນຕ້ອງຕິດຕາມຂໍ້ມູນຕ່າງໆຕະຫຼອດ ກ່ອນທີ່ ທ່ານຈະຫຼົງທາງ. 

3. ວິໄນ

ເຖິງແມ່ນວ່າກົນລະຍຸດການເທຣດທີ່ດີ ແຕ່ອາດຈະບໍ່ມີຄວາມໝາຍເລີຍ ຖ້າຫາກ ທ່ານ ບໍ່ມີວິໄນເຮັດຕາມກົນລະຍຸດຂອງທ່ານ ເອງ; 

ການມີວິໄນຈະສຳຄັນຍິ່ງຂື້ນ ທ່ານ ຕ້ອງປະເຊີນກັບບັນຫາໃນແຕ່ລະມື້ໃນການລົງທຶນ ການມີວິໄນຈະຊ່ວຍໃຫ້ທ່ານ ບໍ່ຫຼົງທາງຈາກແຜນຂອງ ທ່ານ ເອງໃນທ່າມກາງຄວາມສັບວຸ້ນວາຍຂອງຕະຫຼາດ; 

ສະຫຼຸບໄດ້ວ່າ: ຄວນຈະຈົດບັນທຶກການເທຣດ ຂອງທ່ານໃຫ້ຖືກຕ້ອງໜ້າເຊື່ອຖື ເພາະມັນຈະບົງບອກໄດ້ວ່າ ທ່ານ ມີວິໄນພໍທີ່ຈະເຮັດໄປຕາມແຜນຂອງ ທ່ານ ເອງ ຫຼື ຫຼົງທາງພາຍໄຕ້ຄວາມສັບສົນວຂອງຕະຫຼາດ.

4. ຄວາມໝັ້ນຄົງທາງຈິດໃຈ ແລະ ຄວາມອົດທົນ

ຕະຫຼາດ Forex ມີຄວາມຜັນຝວນສູງ ສາມາດສ້າງຄວາມຕິງຄຽດໄດ້ ສະນັ້ນ, ຈິ່ງຈໍາເປັນຕ້ອງອາໃສຄວາມອົດທົນ ຄືກັນກັບນັກແລ່ນມາລາທອນ;

ຖອຍຫຼັງອອກມາຖ້າຫາກ ທ່ານ ຮູ້ສຶກເລີມທີ່ຈະຄວບຄຸມອາລົມບໍ່ຢູ່ ບໍ່ຈຳເປັນຕ້ອງອາຍທີ່ຈະອອກຈາກຕະຫຼາດການລົງທຶນມາກ່ອນ ແລ້ວກັບເຂົ້າໄປໃນຕະຫຼາດໃໝ່ ເມື່ອທ່ານຮູ້ສຶກກັບມາເປັນປົກກະຕິ;

ສະຫຼຸບໄດ້ວ່າ: ການຝຶກສະມາທິສາມາດຊ່ວຍໃຫ້ທ່ານ ຮູ້ສຶກຈິດໃຈປອດໂປ່ງຈາກຄວາມວຸ້ນວາຍ ແລະ ສ້າງໃຫ້ຈິດໃຈເຮົາມີເກະປ້ອງທາງດ້ານຈິດໃຈຂອງ ທ່ານ ໃຫ້ຕ້ານທານຕໍ່ສະພາບການຂອງຕະຫຼາດທີ່ໂຫດຮ້າຍ ແລະ ຍັງຈະຊ່ວຍໃຫ້ທ່ານ ຫຼຸດຄວາມວິຕົກກັງວົນ ແລະ ໃຫ້ມີສະມາທິສຸມໃສ່ຫຼາຍຂື້ນ.

5. ຮູ້ຈັກພື້ນຖານ

ທ່ານ ຈະບໍ່ສາມາດເທຣດ Forex ໄດ້ຫ້າກບໍ່ມີຄວາມເຂົ້າໃຈພື້ນຖານກ່ອນ;

ລອງເຮັດການສຶກສາ ຮຽນຮູ້ຕະຫຼາດ ແລະ ເຂົ້າໃຈສັບທີ່ໃຊ້ສະເພາະ ເຊິ່ງຈະຕ້ອງໃຊ້ເວລາ ແລະ ການຝຶກຝົນ;

Platform ການເທຣດຢ່າງ XM ເຊິ່ງຈະຊ່ວຍໃຫ້ທ່ານ ສາມາດ ໃຊ້ບັນຊີທົດລອງ ໃນການເທຣດ ໃນການຈຳລອງການເທຣດຕະຫຼາດແທ້ ໂດຍທີ່ບໍ່ຕ້ອງໃຊ້ເງີນແທ້ໃດໆ ແລະ ຍັງມີບັນຊີ UltraLow ບໍລິການ ທີ່ມີຄ່າສະເປຣດທີ່ຕໍ່າ ແລະ ມີຫຼາກຫຼາຍກິດຈຳກຳໄວ້ຄອຍບໍລິການທ່ານ ໃຫ້ເຂົ້າເຖິງການລົງທຶນ;

ສະຫຼຸບໄດ້ວ່າ: ເມື່ອທ່ານມີຄວາມຮູ້ພື້ນຖານໃນການເທຣດ Forex ດີແລ້ວ ທ່ານສາມາດລອງຮຽນຮູ້ໃນການເທຣດ ຄຸ່ເງີນ, ສິນຊັບ, ສິນຄ້າ, ແຮ່ທາດ ອື່ນໆ… ຫຼາຍກວ່າ 1 ຄູ່ໄດ້.

6. ໃຈເຢັນ ແລະ ມີສະມາທິ

ເຖິງແມ່ນວ່າເລື່ອງນີ້ແມ່ນຈະເວົ້າໄວ້ຢ່າງຈະແຈ້ງແລ້ວກໍ່ຕາມ ແຕ່ນັກເທຣດ Forex ເອງຄວນມີຄວາມສະຫງົບໃນຈິດໃຈ ແລະ ໃຈເຢັນ ເຖິງແມ່ນວ່າຈະປະເຊີນກັບຄວາມສັບສົນຂອງຕະຫຼາດກໍ່ຕາມ;

ຫາກປ່ອຍອາລົມຄອບງຳໃນການເທຣດ ສຸດທ້າຍຈະເຮັດໃຫ້ທ່ານຕັດສິນໃຈຍາກຂື້ນ ເຊິ່ງຈະເຮັດໃຫ້ ທ່ານ ຂາດທຶນຫຼາຍຂື້ນກ່ອນເກົ່າ; 

ສະຫຼຸບໄດ້ວ່າ: ຕ້ອງມີຄວາມໝັ້ນໃຈວ່າ ທ່ານ ບໍ່ເອົາອາລົມເຂົ້າໃນການເທຣດຮ ໄດ້ຕັ້ງຈຸດເຂົ້າຈຸດອອກ ໃຫ້ເປັນທີ່ຮຽບຮ້ອຍ ແລະ ໃຫ້ມີສິ່ງເຫຼົ່ານີ້ນຳທາງໃນການເທຣດ ທ່ານ ດັ່ງນັ້ນ ທ່ານ ກໍ່ຈະບໍ່ເທຣດດ້ວຍຄວາມກົດດັນ;

7. ຄວາມອົດທົນຈະເຮັດໃຫ້ທ່ານປະສົບຄວາມສຳເລັດ

ເມື່ອທ່ານຕັ້ງຈຸດເຂົ້າຈຸດອອກແລ້ວ ທ່ານກໍ່ພຽງແຕ່ອົດທົນເພື່ອໃຫ້ລາຄາເຖິງຈຸດເຫຼົານັ້ນ;

ຕ້ອງມີຄວາມອົດທົນທີ່ເຮັດຕາມແຜນ ບໍ່ວ່າສພະພາບຕະຫຼາດຈະເປັນແນວໃດກໍ່ຕາມ; 

ບໍ່ວາຈະມີຄວາມຮູ້ ຫຼື ປະສົບການຫຼາຍເທົ່າໃດ ກໍ່ບໍ່ສາມາດຄາດເດົາການເຄື່ອນໄຫວຂອງຄ່າເງີນໄດ້ຖືກຕ້ອງຮ້ອຍເປີເຊັນໄດ້; 

ທ່ານ ເຮັດໄດ້ແຕ່ການກຽມຄວາມພ້ອມກັບສະຖານະການຕ່າງໆ ແລະ ມີຄວາມອົດທົນພໍ ທີ່ຈະເຮັດຕາມແຜນການເທຣດຂອງທ່ານ; 

ສະຫຼຸບໄດ້ວ່າ: ພ້ອມປັບໂຕທ່ານເອງສະເໝີ ແລະ ຕັ້ງເປົ້າທີ່ຈະພັດທະນາ ປະເມີນກົນລະຍຸດການເທຣດຂອງ ທ່ານ ແລະ ຄ່ອຍປັບຢ່າງຕໍ່ເນື່ອງຫາກຈຳເປັນ ຄວາມອົດທົນເປັນກຸນແຈສຳຄັນທີ່ຈະເຮັດໃຫ້ ທ່ານ ພ້ອມຮັບມືໄດ້ທຸກສະຖານະການ.

8. ບໍ່ເຄີຍຢຸດທີ່ຈະເຊື່ອ

ບໍ່ວ່າຈຕະຫຼາດຈະບໍ່ດີ ຫຼື ວຸ້ຍວາຍແນວໃດກໍ່ຕາມ ທ່ານ ຕ້ອງມີຄວາມໝັ້ນໃຈໄວ້ກ່ອນ;

ທ່ານໄດ້ລົງທຶນທັງເລລາ, ສະຕິປັນຍາ ແລະ ເຫື່ອແຮງ ສ້າງຄວາມສາມາດໃນການເທຣດຂອງທ່ານ ທ່ານ ກໍ່ຄວນຈະເຊື່ອໃນຄວາມຮູ້ຂອງ ທ່ານ ເອງ ເພາະຄວາມຮູ້ຂອງ ທ່ານ ຈະຊ່ວຍໃຫ້ ທ່ານ ກ້າວຂ້າມຜ່ານຄວາມຝັນຝວນຂອງຕະຫຼາດໄດ້;

ທ່ານ ອາດຈະເຄີຍຮູ້ສຶກ ຢາກຈະລຶບຖີມເທັກນິກຂອງ ທ່ານ ເອງ ເມື່ອທຸກຢ່າງບໍ່ເປັນໄປຕາມແຜນ ເຊິ່ງການເຊື່ອໃນຕົວເອງຖືເປັນກຸນແຈສຳຄັນໃນເລື່ອງນີ້;

ສະຫຼຸບໄດ້ວ່າ: ສ້າງໂຕຕົນຂອງທ່ານເອງໃນຖານະນັກເທຣດ ແລະ ຮູ້ເປົ້າໝາຍທີ່ແທ້ຈິງຂອງກົນລະຍຸດຂອງ ທ່ານ ສຸມໃສ່ເປົ້າໝາຍຂອງ ທ່ານ ເອງ ເພາະມີແຕ່ ທ່ານ ເອງເທົ່ານັ້ນທີ່ຈະຕັດສິນໃຈໄດ້ເອງວ່າ ທ່ານ ສາມາດຮັບຄວາມສ່ຽງໄດ້ໜ້ອຍ ຫຼາຍພຽງໃດ.

ການເທຣດ Forex ມີຄວາມສ່ຽງຕໍ່ເງີນລົງທຶນຂອງທ່ານ ອ່ານ ແລະ ເຮັດຄວາມເຂົ້າໃຈກັບຂໍ້ມູນຄວາມສ່ຽງຂອງທ່ານກ່ອນ.

ເປີດບັນຊີກັບ XM ເພື່ອຄົ້ນຫາຫຼັການປະຕິບັດເຫຼົ່ານີ້ເພື່ອຊ່ວຍໃຫ້ທ່ານ ເຮັດການຊື້-ຂາຍ ໃຫ້ໄດ້ຜົນກຳໄລ.

ຈຸດປະສົງການຝຶກສະມາທິສຳລັບການເທຣດ :
– ແມ່ນເພື່ອເຮັດໃຫ້ສະໝອງປະມວນຜົນໄດ້ໄວຂຶ້ນໃນນາທີທີ່ໄດ້ສຳຜັດ ແລະ ເຫັນການເຄື່ອນໄຫວຂອງກຣາຟ ວ່າປັດຈຸບັນຄວນໃຊ້ຫຼັກການໃດໃນການເທຣດ
– ເຮັດໃຫ້ຮູ້ເທົ່າທັນຄວາມໂລບ, ໂກດ, ຄວາມຫຼົງໄຫຼໃນຕົວເອງ ທີ່ເກີດຂຶ້ນໃນຕະຫຼາດ ເມື່ອຮູ້ເທົ່າທັນຄວາມໂລບ, ໂກດ ແລະ ຫຼົງ ແລ້ວ ຕົວສະຕິຈະຊ່ວຍເຮັດໃຫ້ນັກເທຣດຢູ່ໃນກອບຂອງຄວາມເໝາະສົມຕະຫຼອດສະຖານະການ
– ເພື່ອເສີມສ້າງໃຫ້ການວິເຄາະມີຄວາມແມ້ນຍໍ່າຕົງເປົ້າຂຶ້ນເທື່ອລະກ້າວ ແລະ ລະອຽດຮອບຄອບ
– ເພື່ອຜ່ອນຄາຍຮ່າງກາຍ ແລະ ຈິດໃຈ ຊຶ່ງຈະເຮັດໃຫ້ການເທຣດເປັນໄປດ້ວຍຄວາມສະບາຍໆ ຜ່ອນຄາຍ ຊິວໆ. ໄດ້ກຳໄລກໍ່ຜ່ອນຄາຍ ເຖິງຈະເສຍກໍ່ຜ່ອນຄາຍ
– ເຮັດໃຫ້ສາມາດຢູ່ລອດໃນຕະຫຼາດໄດ້ຢ່າງຍືນຍາວ
– ເຮັດໃຫ້ວິໄນມີປະສິທິພາບ ແລະ ສາມາດບັນລຸເປົ້າໝາຍທີ່ຕັ້ງໄວ້ໃນທີ່ສຸດ
——————————————
ລະດັບຂອງສະມາທິ ມີທັງໝົດ 9 ລະດັບຄື:
1. ປະຖົມມະຊານ
2. ທຸຕິຍະຊານ
3. ຕະຕິຍະຊານ
4. ຈະຕຸຖະຊານ
5. ອາກາສານັນຈາຍະຕະນະ
6. ວິນຍານັນຈາຍະຕະນະ
7. ອາກິນຈັນຍາຍະຕະນະ
8. ເນວະສັນຍານາສັນຍາຍະຕະນະ
9. ສັນຍາເວທຍິຕະນິໂຣດ
———————————————–
ວິທີການຝຶກຂັ້ນພື້ນຖານ:
1. ຫາສະຖານທີ່: ປ່າ ຫຼື ກ້ອງຮົ່ມໄມ້ ຫຼື ເຮືອນສະຫງົບ (ປາສະຈາກສຽງຟົດຟື້ນ ຫຼື ສິ່ງຕ່າງໆລົບກວນ, ຫຼື ບ້ານຕົນເອງກໍ່ໄດ້ ແຕ່ເລືອກຝຶກໃນຊ່ວງທີ່ບໍ່ມີສິ່ງລົບກວນເຊັ່ນຕອນເດິກ ຫຼື ໃກ້ແຈ້ງ)
2. ຈາກນັ້ນ, ນັ່ງຄູ້ຂາເຂົ້າມາໂດຍຮອບ (ນັ່ງຂັດສະໝາດໃນທ່າທີ່ສະບາຍໆ)-ຕັ້ງກາຍຕົງດຳລົງສະຕິສະເພາະໜ້າ-ກຳໜົດຮູ້ລົມຫາຍໃຈເຂົ້າອອກ. ເມື່ອຫາຍໃຈເຂົ້າຍາວກໍ່ຮູ້ ອອກຍາວກໍ່ຮູ້; ເມື່ອຫາຍໃຈເຂົ້າສັ້ນກໍ່ຮູ້ ຫາຍໃຈອອກສັ້ນກໍ່ຮູ້.
3. ເມື່ອຄິດເຖິງສິ່ງອື່ນ ໃຫ້ຮິບຖິ້ມຄວາມຄິດ ແລ້ວມາຢູ່ກັບລົມຫາຍໃຈໂດຍໄວ
ໝາຍເຫດ:
– ນອກຈາກນັ້ນ, ຍັງສາມາດຝຶກໄດ້ຕະຫຼອດວັນ ໂດຍໃຫ້ຮູ້ລົມຫາຍໃຈເຂົ້າອອກໃນຊ່ວງທີ່ເໝາະສົມ ໂດຍບໍ່ຈຳເປັນຕ້ອງຫາສະຖານທີ່ ຫຼື ນັ່ງຂັດສະໝາດ
– ນອກຈາກຮູ້ລົມຫາຍໃຈແລ້ວ ຍັງສາມາດກໍາໜົດສະຕິຢູ່ກັບການກະທໍາໝົດວັນ ກໍ່ໄດ້ ເຊັ່ນ: ຂັບລົດ ກໍ່ໃຫ້ມີສະຕິຢູ່ກັບການຂັບລົດ ຖ້າຄິດເລື່ອງອື່ນ ແມ່ນໃຫ້ຮີບກັບມາທີ່ການຂັບລົດ, ການກິນ, ຍ່າງ, ນັ່ງ, ນອນ, ເຮັດວຽກງານ ອື່ນໆກໍ່ເຊັ່ນກັນ ແມ່ນໃຫ້ພະຍາຍາມຈົດຈໍກັບສິ່ງໃດໜຶ່ງທີ່ກຳລັງເຮັດໃຫ້ສຳເລັດກ່ອນເຮັດອັນອື່ນ.
– ເມື່ອໝັ່ນຝຶກສະໝໍ່າສະເໝີແລ້ວ ກໍ່ຈະເຮັດໃຫ້ສະຕິມີຄວາມເຂັ້ມແຂງຂຶ້ນ ເໝາະແກ່ການໃຊ້ງານໃນທຸກໆສະຖານນະການ

 

 

Cr. Coach To

ຄວາມເຄີຍຊິນ ຫຼື ນິໄສ !

ກ່ອນອື່ນໝົດເຮົາມາທຳຄວາມຮູ້ຈັກຄວາມເຄີຍຊິນ ຫຼື ນິໄສ ກັນກ່ອນ ຄວາມເຄີຍຊິນໃນທີ່ນີ້ແມ່ນໝາຍເຖິງການກະທຳຊໍ້າໆໃນສະຖານະການລັກສະນະເດີມໆ. ຊຶ່ງຄວາມເຄີຍຊິນ ຫຼື ນິໄສ ຈະຢັ່ງຮາກລົງເລິກໂດຍທີ່ເຮົາບໍ່ຮູ້ເທົ່າທັນມັນ ຖ້າຫາກເປັນຄວາມເຄີຍຊິນລົບໆແມ່ນຈະສ້າງຄວາມພິນາດແກ່ທຸກໆກິດຈະກຳທີ່ເຮົາເຮັດຈົນບໍ່ສາມາດເດີນທາງໄປຫາເປົ້າໝາຍໄດ້ຈັກເທື່ອ.
ຊຶ່ງໃນວົງການເທຣດນີ້, ຄວາມເຄີຍຊິນລົບໆແມ່ນຈະເປັນໂຕລາກແກ່ບັນດານັກເທຣດໃຫ້ໄປຕິດກັບດັກຂອງຕະຫຼາດຈົນຢາກທີ່ຈະກັບຕົວກັບໃຈ ແລະ ກໍ່ພົບຈຸດຈົບ ຫຼື ເຈັ້ງໃນທີ່ສຸດ. ສະນັ້ນ, ໃນວົງການເທຣດນີ້ ນອກຈາກນັກເທຣດຕ້ອງໄດ້ສະແຫວງຫາແຫຼ່ງຄວາມຮູ້ຝຶກຝົນຝີມືໃນການເທຣດຈົນເກີດຄວາມແມ້ນສູງແລ້ວ ຍັງຈະຕ້ອງມາຕໍ່ສູ້ກັບຄວາມເຄີຍຊິນລົບໆໃນການເທຣດຂອງຕົວເອງ ມີຄືດັ່ງນີ້:

1. ມີຄວາມເທຣດແມ້ນຢູ່ ແຕ່ຕົວຈິງພັດເຂົ້າໄວເກີນຈຸດທີ່ຄວນເຂົ້າ ບໍ່ມີຄວາມອົດທົນ. ເຮັດແບບນີ້ຊໍ້າໆກໍ່ກາຍເປັນຄວາມເຄີຍຊິນ ແກ້ໄຂຢາກ
2. ຮູ້ຫຼັກການບໍລິຫານພອດຢູ່ ແຕ່ຕົວຈິງພັດເຂົ້າ LOT ໃຫ່ຍແບບບໍ່ມີຫຼັກການ ເກີດຄວາມຢາກໄດ້ຫຼາຍເກີນຄວາມສ່ຽງທີ່ຈະຮັບໄດ້ ສຸດທ້າຍເຮັດໃຫ້ຕິດກັບດັກຕະຫຼາດ. ເມື່ອເຮັດແບບນີ້ຊໍ້າໆ ກໍຈະກາຍເປັນນິໄສ ຄວາມເຄີຍຊິນ ແບບບໍ່ຮູ້ຕົວ
3. ຊະນະຫຼາຍໄມ້ຕິດຕໍ່ກັນ ເຮັດໃຫ້ເງິນໃນພອດເພີ່ມຂຶ້ນ ເກີດຄວາມຍຶດຕິດເງິນໃນພອດທີ່ມີຢູ່ ຈຶ່ງສົ່ງຜົນເຮັດໃຫ້ຕໍ່ມາເສຍພຽງໄມ້ດຽວ ເລີຍເກີດຄວາມເສຍດາຍ ຈຶ່ງເຮັດໃຫ້ເຂົ້າໄປໄລ່ຕະຫຼາດໂດຍຂາດສະຕິໃນການວິເຄາະການເຂົ້າຢ່າງອຽດລະອໍ ແລະ Lot ທີ່ສາມາດເຂົ້າໄດ້ຕາມຄວາມສາມາດຂອງຕົນເອງຢ່າງແທ້ຈິງ
4. ແລະ ອື່ນໆ

ວິທີການແກ້ໄຂ “ຄວາມເຄີຍຊິນລົບໆ”

1. ຮຽນຮູ້ຫຼັກການວິເຄາະ ແລະ ບໍລິຫານພອດໃຫ້ແໜ້ນໆ
2. ທຸ້ມເທ່ເຮັດໃນສິ່ງທີ່ຮຽນມາ ແລະ ຮູ້ ໃຫ້ສຳເລັດກ່ອນ ບໍ່ຟ້າວເສຍເວລາ ຫຼື ເສຍສະມາທິນໍາຫຼັກການອື່ນໆຫຼາຍເກີນຄວາມຈໍາເປັນ ເພາະຖ້າບໍ່ດັ່ງນັ້ນ ຈະເຮັດໃຫ້ນັກເທຣດບໍ່ແຕກສານຫຍັງຈັກຢ່າງ ຫຼື ອາດໃຊ້ເວລາຫຼາຍໆປີກວ່າຈະສໍາເລັດໃນສິ່ງທີ່ຕົນເອງຮູ້;
3. ຝຶກສະມາທິ ສະໝໍ່າສະເໝີ: ເພາະເປັນຕົວເສີມສ້າງຄວາມແຂງແກ່ງໃຫ້ສະຕິ ເມື່ອມີສະຕິທີ່ສູງຂຶ້ນ ກໍ່ຈະຮູ້ເທົ່າທັນຄວາມເຄີຍຊິນລົບໆຂອງຕົວເອງ – ເມື່ອຮູ້ເທົ່າທັນຄວາມເຄີຍຊິນລົບໆຂອງຕົວເອງ ເຮົາກໍ່ຈະບໍ່ເຮັດໃນສິ່ງທີ່ມັນບໍ່ດີ ແລະ ສຸດທ້າຍກໍ່ຈະເຂົ້າຕະຫຼາດໃນຈຸດທີ່ແມ້ນຂຶ້ນ ໂດຍວາງ Lot size ຢ່າງຖືກຕ້ອງຕໍ່ເນື່ອງຈົນສຳເລັດໃນເປົ້າໝາຍ;
*ໝາຍເຫດ: ສະມາທິມີຫຼາຍລະດັບ ດັ່ງນັ້ນ, ຈຶ່ງເຮັດໃຫ້ແຕ່ລະຄົນມີລະດັບສະຕິສູງຕໍ່າແຕກຕ່າງກັນ ໂດຍຂຶ້ນກັບຄວາມດຸໝັ່ນໃນການຝຶກຝົນຫຼໍ່ຫຼອມຂອງແຕ່ລະຄົນ ວ່າຝຶກຫຼາຍໜ້ອຍຊໍ່າໃດ.
4. ສະຕິ ປຽບດັ່ງແຜນທີ່ເປົ້າໝາຍ, ວິໄນ ປຽບດັ່ງລົດ, ຄວາມແມ້ນ ປຽບດັ່ງນໍ້າມັນລົດ ຊຶ່ງທັງສາມຢ່າງນີ້ຕ້ອງມີຄູ່ກາຍນັກເທຣດ ຈຶ່ງຈະສາມາດໄປຮອດຈຸດໝາຍປາຍທາງໄດ້. ສະນັ້ນ, ນັກເທຣດລະດັບແນວໜ້າຂອງໂລກຈະໃຫ້ຄວາມສໍາຄັນທີ່ Mindset ເປັນອັນດັບໜຶ່ງ, ອັນດັບສອງແມ່ນ ບໍລິຫານພອດ, ສ່ວນອັນດັບສຸດທ້າຍແມ່ນຄວາມແມ້ນ

 

Cr. Coach To