ທອງຄຳນັບເປັນໜື່ງໃນສະກຸນເງີນເລີ່ມຕົ້ນຂອງໂລກເລີຍກໍວ່າໄດ້ໂດຍໃນຊ່ວງຫຼາຍສິບປີທີ່ຜ່ານມາ ທອງຄຳ ເປັນຊັບສິນທີ່ໜ້າເຊື່ອຖືທີ່ສຸດສຳຫຼັບນັກລົງທຶນທັງລາຍໃຫຍ່ ແລະ ລາຍຍ່ອຍມີນັກເທຣດຈຳນວນຫຼາຍທີ່ໃຫ້ຄວາມສົນໃຈໃນສິນຊັບທອງຄຳເນື່ອງຈາກຜົນຕອບແທນທີ່ດີນັ້ນເອງ
ອີກໜື່ງຢ່າງທີ່ເຮັດໃຫ້ການເທຣດທອງຄຳ ແລະ ໂລຫະເງີນເປັນທີ່ສົນໃຈຫຼາຍຂື້ນກໍ່ຄືການທີ່ທອງຄຳ ຫຼື ໂລຫະເປັນສິນຊັບ ທີ່ມີຈິງສາມາດຈັບຕ້ອງໄດ້ບໍ່ແມ່ນແຕ່ຕົວເລກ ຫຼື ມູນຄ່າທີ່ສ້າງຂື້ນມາແບບຈຳລອງ
ໃນບົດຄວາມມື້ນີ້ ເຮົາຈະມາເວົ້າເຖິງ 6ເຄັດລັບສຳຄັນກ່ຽວກັບວິທີ່ການເທຣດທອງຄຳໃນປັດຈຸບັນຂະນະທີ່ຕະຫຼາດອື່ນໆ ບໍ່ວ່າຈະເປັນຫຸ້ນຍຸໂຣບ, ຄຣິປໂຕ ແລະ ສິນຊັບສ່ວນຫລາຍກຳລັງດິ່ງ ແລະ ຈຸດຕໍ່າສຸດເປັນປະຫວັດສາດ
ສາເຫດທີ່ເຮັດໃຫ້ຄົນສົນໃຈເທຣດທອງຄຳ
ຮູບແບບການເທຣດທອງຄຳມີການປ່ຽນແປງ ແລະ ກ້າວໜ້າໄປທຸກມື້ ນັກລົງທືນບໍ່ຕ້ອງເດີນທາງອອກໄປຊື້ຫຼຽນ ຫຼື ທອງຄຳຂອງແທ້ໃຫ້ເສຍເວລາອີກຕໍ່ໄປເພາະນັກລົງທຶນສາມາດຊື້ທອງຄຳ ຫຼື ໂລຫະມີຄ່າໃນຮູບແບບຕ່າງໆ ທາງອອນລາຍໄດ້
ແນ່ນອນວ່າ ທ່ານ ຍັງສາມາດຊື້ ແລະ ຂາຍທອງຄຳແບບແທ່ງໄດ້ຄືເກົ່າໃນຂະນະດຽວກັນ ນັກເທຣດຍັງສາມາດໃຊ້ໂອກາດໃນການເຮັດກຳໄລຈາກການເທຣດທອງຄຳທາງແຟັດຟອມການ ຊື້-ຂາຍ ທີ່ນຳສະເໜີວິທີການ ແລະ ກົນລະຍຸດທີ່ຫຼາກຫຼາຍໃນການເທຣດໂລຫະມີຄ່າຕາມທັກສະການເທຣດຂອງທ່ານໄດ້ແກ່:
– ຕະຫຼາດຟິວເຈີ້ (Future market)
– ຕະຫຼາດກອງທຶນ (Exchange-traded ຫຼື ETFs)
– ຕະຫຼາດສະປອດ ແລະ ອັອບຊັນ (Spot and option)
ນັກເທຣດ Forex ເອງກໍສາມາດຄວ້າໂອກາດໃນການເທຣດທອງຄໍາໄດ້ເຊັ່ນກັນໂດຍສາມາດຊື້ ແລະ ຂາຍທອງຄໍາທຽບກັບສະກຸນເງີນຫຼັກໆເຊັ່ນ USD ຫຼື EUR ໄດ້
ວິທີລົງທຶນໃນທອງຄຳ
ກົນລະຍຸດການເທຣດທອງຄຳບາງແບບຕ້ອງອາໄສທັກສະການວິເຄາະໂດຍທ່ານຈະຕ້ອງຕິດຕາມຕະຫຼາດຢ່າງຕໍ່ເນື່ອງ ແລະ ຈັບຕາເບີ່ງປັດໃຈສຳຄັນທີ່ມີຜົນຕໍ່ລາຄາທອງຄຳໂດຍມືໃໝ່ອາດຈະຕ້ອງເລີ່ມຕົ້ນຈາກການເທຣດ:
- XAU/USD (ສະປອດທອງຄຳທຽບກັບດອນລາສະຫາລັດ)
- CFDs (ສັນຍາຊື້-ຂາຍສ່ວນຕ່າງທອງຄຳ)
- ກອງທຶນ ETF ທອງຄຳ
- ຟິວເຈີທອງຄຳ
- ຫຸ້ນທີ່ອອກໂດຍບໍ່ລິສັດທີ່ກ່ຽວກັບທອງຄໍາ
ຕົວຢ່າງທີ່ກ່າວມານີ້ເປັນທາງເລືອກຍອດນິຍົມໃນການລົງທຶນທອງຄຳ ທັງນີ້ຂື້ນຢູ່ກັບວິທີການລົງທຶນ ແລະ ເປົ້າ ໝາຍການ ຊື້-ຂາຍ ທີ່ທ່ານເລືອກ ລອງມາເບີ່ງວິທີ ຊື້-ຂາຍ ທອງຄຳເລີ່ມຕົ້ນກັນແບບລະອຽດ
ເຄັດລັບການເທຣດຄຳແບບຄູ່XAU/USD
ຫາກທ່ານເປັນນັກເທຣດForex ທ່ານ ອາດຊື້-ຂາຍ ທອງຄໍາເປັນຄູ່XAU/USD ເຊີ່ງມີວິທີການທີ່ຄ້າຍກັບການ ຊື້-ຂາຍ ຄູ່ສະກຸນເງີນອື່ນໆ ທີ່ທ່ານຄຸ້ນເຄີຍຢ່າງດີ ເຖິງແນວໃດກໍຕາມອາດເປັນວິທີທີ່ຂ້ອນຂ້າງຊັບຊ້ອນໜ້ອຍໜື່ງໂດຍມີເຄັດລັບຕໍ່ໄປນີ້ທີ່ຈະຊ່ວຍໃຫ້ທ່ານຫຼີກລ່ຽງຂໍ້ຜິດພາດຕ່າງໆ ແລະ ຮັກສາເງີນທຶນຂອງທ່ານໃຫ້ປອດໄພດັ່ງນີ້
- ຈັບຕາເບີ່ງທະນາຄານກາງ
ທະນາຄານກາງມັກເປັນເຈົ້າຂອງທອງຄຳເນື່ອງຈາກວ່າເປັນສິນຊັບໜູນທັນນາບັດ ແລະ ຫຼຽນຕ່າງໆ ໂດຍນັກເທຣດຄວນໃຫ້ຄວາມສົນໃຈກັບການຊື້ທອງຄຳທັງໝົດທີ່ດຳເນີນການໂດຍທະນາຄານກາງຕໍ່ເນື່ອງຈາກໂລຫະມີຄ່າຕ່າງໆ ຊ່ວຍໃຫ້ຫຼາຍໆປະເທດສາມາດສຳຮອງທອງຄຳ ແລະ ສະກຸນເງີນຕ່າງປະເທດໄດ້ຢ່າງມັ່ນຄົງ
ເມື່ອທ່ານເຫັນວ່າປະເທດໃດປະເທດໜື່ງມີການ ຊື້-ຂາຍ ທອງຄຳໝາຍຄວາມວ່າລັດຖະບານປະເທດນັ້ນໆກຳລັງໃຊ້ມາດຕະການຄວາມສ່ຽງ ແລະ ເປັນສັນຍານຂອງເສດຖະກິດທີ່ອ່ອນແອເຊີ່ງເປັນປັດໃຈພື້ນຖານ(Fundamental indicator) ນັ້ນເອງ ດັ່ງນັ້ນຫາກທະນາຄານກາງເລີ່ມຊື້ທອງຄໍາຫຼາຍຂື້ນເລື່ອຍໆທ່ານຄວນລະວັງ
- ວິເຄາະຄວາມສຳພັນລະຫວ່າງຄ່າເງີນ ແລະ ສະຖານະການ ການເມືອງ
ຄ່າເງີນມີຄວາມຜັນຜວນຕະຫຼອດເວລາໂດຍລາຄາ ແລະ ອັດຕາຄ່າເງີນໄດ້ຮັບອິດທິພົນຈາກປັດໃຈຫຼາຍໆຢ່າງລວມເຖິງສະຖານະການ ການເມືອງ ຫຼື ຄວາມບໍ່ແນ່ນອນທາງເສດຖະກິດເຊີ່ງນຳໄປສູ່ຄວາມຜັນຜວນຂອງຕະຫຼາດຢ່າງຫຼາຍເມື່ອເວົ້າເຖິງຄູ່ສະກຸນເງີນ
ເມື່ອມີອໍເດີ້ XAU/USD ເປີດຢູ່ ທ່ານ ຈະໄດ້ຮັບການປ້ອງກັນຄວາມສ່ຽງຈາກການປ່ຽນແປງຂອງຕະຫຼາດທີ່ຄາດເດົາບໍ່ໄດ້ ຂໍ້ດີອີກຢ່າງຂອງວິທີເທຣດນີ້ຄື ທອງຄຳ ມີຄວາມສຳພັນກັບສະກຸນເງີນທີ່ແຂງແກ່ງທີ່ສຸດໃນໂລກສະເໝີ ໝາຍຄວາມວ່າທ່ານສາມາດແລກປ່ຽນກັບ EUR, GBP, ຫຍວນ ແລະ ອື່ນໆໄດ້
- ຕິດຕາມລາຄາ High ແລະ Low ກ່ອນໜ້າ
ນັກເທຣດທອງຄຳມີໂອກາດໃນການຕິດຕາມລາຄາສູງສຸດ ແລະ ຕຳສຸດກ່ອນໜ້າຂອງ XAU/USD ໂດຍອາໄສເຄື່ອງມືໃນການສະໜັບສະໜຸນສັນຍາຊື້ ແລະ ຂາຍ ຕົວຢ່າງເຊັ່ນ:
– ຫາກທອງຄໍາຢູ່ໃນຊ່ວງຂາຂື້ນທ່ານຄວນໃຊ້ລະດັບໃນອາດີດເປັນລາຄາຂາຍ
– ຫາກທອງຄໍາຢູ່ໃນຊ່ວງຂາລົງ ສາມາດໃຊ້ລະດັບກ່ອນໜ້າເປັນລາຄາ ຊື້-ຂາຍ ໄດ້
ກົນລະຍຸດການກຳໜົດເປົ້າໝາຍລະດັບສູງ ແລະ ຕຳກ່ອນໜ້າມາພ້ອມກັບຄວາມສ່ຽງທີ່ຕໍ່າກວ່າ ຈັ່ງໃດກໍຕາມອາດບໍ່ເໝາະກັບການຊື້-ຂາຍ ແບບລາຍມື້ໂດຍທອງຄຳອາດຈະຕ້ອງໃຊ້ເວລາໃນການໄປເຖີງລະດັບສູງສຸດ ແລະ ຕໍ່າສຸດກ່ອນໜ້ານີ້ຈື່ງບໍ່ມີໂອກາດທີ່ຈະພິກກັບຢ່າງໄວວາ
- ຮູ້ຊ່ວງເວລາໃນການເທຣດທອງຄຳ
ຜູ້ຊ່ຽວຊານມັກຈະແນະນຳໃຫ້ເທຣດຕາມຊົ່ວໂມງຊື້ຂາຍທອງຄຳໃນນິວຫຍອກ ເຖິງວ່ານັກເທຣດຈະສາມາດ ຊື້ ແລະ ຂາຍ ສິນຊັບໄດ້ຕະຫຼອດ24ຊົ່ວໂມງກໍຕາມໂດຍໃນອະດີດຮອບການ ຊື້-ຂາຍ ໃນນິວຍອກມີສະພາບຄ່ອງສູງສຸດເພາະນັກເທຣດທອງຄຳມັກຈະມັກຊົ່ວໂມງເລັ່ງດ່ວນເມື່ອຄວາມຜັນຜວນຂອງຕະຫຼາດຫຼຸດລົງ
- ລອງໃຊ້ Indicator ຊ່ວຍເທຣດ Forex
ເຊັ່ນດຽວກັບຄູ່ສະກຸນເງີນອື່ນໆ ການຊື້ຂາຍ XAU/USD ຈະຕ້ອງໃຊ້ອິນດິເຄເຕີ Forex ໂດຍສະເພາະ ບໍ່ວ່າຈະເປັນການວິເຄາະຮູບແບບ Symmetrical Triangle ເຊີ່ງມີຮູບແບບກຣາຟ ທີ່ອ່ານງ່າຍ ເບຣກລະດັບສຳຄັນໆຕໍ່ໄປ
ທັງນີ້ ນັກເທຣດຈະຕ້ອງໃຊ້ symmetrical triangle ຮ່ວມກັບອິນດິເຄເຕີອື່ນໆ ເຊັ່ນ RSI ເພື່ອຊ່ວຍລະບຸຈັງຫວະທີ່ລາຄາຈະມີການເບຣກທະລຸລວມເຖິງຢືນຢັນ ແລະ ສະໜັບສະໜຸນສັນຍາຕ່າງໆ ເພື່ອໃຫ້ທ່ານສາມາດຊື້ຂາຍໄດ້ຢ່າງມັນໃຈຫຼາຍຂື້ນ ແລະ ຕັດສິນໃຈໄດ້ຢ່າງເໝາະສົມ
- ຕິດຕາມຄວາມຕ້ອງການທອງຄຳ
ເຄັດລັບສະເພາະນີ້ໝາຍເຖິງຄວາມຕ້ອງການໃນການຊື້ທອງຄຳສຳຫຼັບໃຊ້ໃນເຊິງພານິດ ຫຼື ອຸດສາຫະກຳເຊັ່ນ ອຸດສາຫະກຳເຄື່ອງປະດັບ ໂດຍເມື່ອຄວາມຕ້ອງການທອງຄຳເລີ່ມເພີ່ມຂື້ນໃນຕະຫຼາດຜູ້ບໍລິໂພກ ແລະ ພາກອື່ນໆ ລາຄາ ຊື້ຂາຍທອງຄຳກໍສູງຂື້ນເຊັ່ນກັນ
ສະຫຼຸບກ່ຽວກັບການເທຣດທອງຄຳ
ນັກລົງທຶນສາມາດເທຣດທອງຄຳໄດ້ຫຼາຍວິທີໂດຍບາງວິທີກໍອາດຈະເໝາະກັບການລົງທຶນລະຍະຍາວຫຼືວິທີການກະຈາຍພອດການລົງທຶນ ຂະນະວິທີອື່ນໆອາດເໝາະກັບການເທຣດລາຍມື້ ໂດຍສຳລັບນັກເທຣດForex ເຮົາເບີ່ງວ່າ XAU/USD ເປັນຕົວເລືອກທີ່ດີສຳລັບນັກເທຣດທີ່ຕ້ອງການຖືອໍເດີ້ທີ່ມີການທຽບທອງຄຳກັບສະກຸນເງີນຫຼັກແລະ ສະກຸນເງີນທີ່ແຂງແກ່ງ
